ICSI Inyekshon Intracitoplasmátiko di Simianan

ICSI

Na inyekshon intracitoplásmatiko di simianan, e webunan ta ser ekstraé fo’i kurpa di hende muhé.

Ta hiba e webunan den laboratorio, kaminda dor di mikroskopnan di resolushon haltu i di mikro- manipulator, djis un simia ta introdusí (inyektá) den interior di kada webu. Despues di 2 pa 3 dia e webunan fekunddá (èmbrionnan di 4 òf 8 sèl) ta introdusí direktamente den matris di hende muhé pa implantanan i nan por sigui su desaroyo durante 9 luna.

Otro opshon di tratamentu pa ousensia di simianan ta IAD.

Pa kende ta útil fiv ku ICSI?

Probabilidatnan di embaraso

Tratamentu ICSI ta rekomendabel ora:

  • Ta presentá un faktor maskulino severo.
  • Ta haña rekuento abou di simianan ku ta move den spèrma ehakulá.
  • Tin konsentrashon spèrmátiko hopi abou i simianan normal ta masha tiki.
  • Tin ousensia total di simianan den ehakulashon. Den e kaso aki, por hasi un biopsia testikular, i den un porsentahe haltu di kasonan ta optené simianan ku por ser usá pa hasi ICSI.

Probabilidat di optené un embaraso ku un siklo di FIV-ICSI por baria entre un 20% i 50%, di akuerdo ku faktornan manera:

  • Edat di hende muhé, la kual por ta faktor ku mas influí riba pronóstiko di éksito.
  • Durashon di infertilidat.
  • Faktornan di infertilidat.

Total akumulá di tasa di embaraso despues di tres siklonan di tratamentu por ta mayor di 70%.