IAHO Inseminashon artifisial ku Spèrma dje Kasá

Inseminashon artifisial ta konsistí pa hinka simianan den sistema reproduktor di hende muhé djis na momento di ovulashon.

Na momento dje fekundashon natural simianan ta depositá den vagina durante relashon seksual. Djis un tiki di simianan depositá ta logra drenta te na interior di matris i yega te na eileider unda ta akontesé e fekundashon di webu.

Kontrario, den inseminashon artifisial, e muestra di spèrma ta ser hibá den laboratorio unda, dor di vários prosesonan, ta selektá simianan ku mayor potensial di fekundashon, ku despues nan ta koloká hopi mas ariba di vagina, hinkandonan te na fondo di matris.

Esaki ta hasi djis na momento eksakto di ovulashon pa oumentá probabilidat di fekundashon.

Pa por realisá un inseminashon, ta rekerí ku eileidernan, matris i garganta di matris ta normal, asina ku ta kombiniente pa studianan previamente.

 

Inseminación-artificial-2

 

Pa kende ta útil IAHO?

Alternative Treatments

Ta rekomendabel pa parehanan ku problemanan físiko na nivel di nan órgano reproduktivo, e.o. malformashonnan riba pènis (hipospadia), òf den garganta di matris (estenosis). Tambe a ser uzá ku éksito pa optené embaraso den parehanan ku no ta haña un kousa aparente di infertilidat (infertilidat inekspliká), endometriosis Grado I i II òf pa kaso di faktor maskulino leve.

Por realisá Fertilisashon In Vitro komo alternativo inisial òf despues di algun intento di IAHO sin éksito.

Probabilidatnan di Embaraso

Porsentahe di embaraso den kada intento di inseminashon den matris ta fluktua entre 5 pa 18%, dependiendo di faktornan manera:

  • Number i mobilidat di simianan den muestra inisial di spèrma.
  • Kalidat di respuesta ováriko.
  • Edat di hende muhé.
  • Tempo di infertilidat di e pareha.