Preguntas frekuentes

Reprodukshon asistí, kiko ta?

E baha posibilidat di logra un embaraso den un pareha den edat fértil, ku tin relashonnan seksual normal durante un aña sin ningun método antikonseptivo, ta un problema kresiente. Den último 20 aña porsentahe di parehanan ku difikultat pa konsebí a oumentá di 10% pa serka di 20%.

Esaki por ta determiná, segun spesialistanan di inSer – Instituto di Fertilidat Humano, pa un deseo reproduktivo lat (produkto dje kambio di rol di hende muhé den sosiedat), defisiensia na kalidat i kantidat dje simianan (50% dje kasonan), i presensia di malesanan hopi frekuente manera endometriosis i infekshonnan pélviko ku ta opstruí e eileidernan. Mesun kos, 9% di parehanan ku ta konsultá pa fertilidat serka inSer, nan a realisá maramentu di eileidernan òf vasektomia, komo método di planifikashon di famia definitibo, i awor nan ta buska yuda pa logra un embaraso nobo.

Parespondéna e sirkumstansianan aki, siensia a perfekshonáteknikanankonosí komo InseminashonArtifisial (teknika mas sensio), rekomendá pa kasonanden kuata presentá endometriosis leve òf alterashon leve denkantidat i kalidat dje simianan, ku ta konsistípa depositáesimianan seleksionáden laboratorio pa su mihómobilidat, den matris di hendemuhédor di una tubohopi delegá, permitiendo ku nan alcansá e webuden un menor distansia i ta lografekundánan di forma natural; i Fertilisashon In Vitro, la kua tabuskafekundashon di un webuku unsimiapa fó dje kurpa di hendemuhé (kier menden laboratorio), pa posteriormente transferí elèmbrio resultante den interior di kavidat di matris, ku findi kontinuá ku su desaroyotenakombertíden un beibi.

Dor dje dosteknikanan di reprodukshonaki, probabilidat di embarasolo por wòrdu inkrementá di 60% te na 95% respektivamente, despues di 4 intentonan i di adekuá indikashon, di akuerdo ku e kaso di kada pareha.

Adishonalmente, nan a desaroyá teknología mas avansá manera teknika di inyektá un simia den e webu [ICSI], utilisá den kasonan unda ta presentá alterashonnan serio den e simianan òf unda no tin simianan den ehakulado, ma nan por optené dor di aspirá e epidídimo òf biopsia di testikulo, kultivo ekstendé di èmbrionan te na blastosisto (estado avansá di èmbrionan), ku mas posibilidatnan di pega den matris dje mama; Donashon di spèrma i webunan, esaki último ora edat di hende muhé ta avansá, ma e kier haña yu ku todo e komponente paterno genétiko dje kasá, ademas dje posibilidat di tin un embaraso propio; i métodonan nobo ku ta permití identifiká e fayonan ku ta kousa infertilidat, detekshon di anomalianan genétiko den èmbrionan, den kaso di eksistí malesanan genétiko heredá [Diagnóstiko Genétiko Pre-implantatorio], i e posibilidat di konhelá simia, èmbrio i webunan ku fin di preservá e fertilidat.

Unda nos ta kuminsá?

Den reprodukshon ta konsiderá ku e mayor efektividat ta dependé di un konsulta prekos i oportuna (mihó promé ku 40 aña pa hende muhé), i di un adekuá baluashon i asesoría pa hende spesialisá den sentronan di reprodukshon humano rekonosí, kende ta duna bo un diagnóstiko asertá i ta proponé tratamentu mas di akuerdo ku kada kaso, logrando asina, di un manera mas kosto/efektivo el embaraso i oumentando e posibilidat di un beibi salú.

i tokante kosto?

En general, tratamentunan di reprodukshon ta mas ekonómiko na medida ku hende ta konsultá ku menor edat i malesa ta ménos severo. Sin embargo, e prinsipal limitashon pa tuma di un desishon pa realisá un tratamentu no ta e faktor ekonómiko, sino e faktor emoshonal, ta sigurá spesialistanan di inSer, kende ta bisa ku e temor pa gasta un plaka i si ta nesesario ripití un tratamentu, agregá na e frustrashon ku ta representá un intento ku a faya, ta impedí ku hopi parehanan no inisia ni sikiera un proseso, ku den mayoría di kasonan por ser hopi sensio. Asina ta ku den tempo moderno nos por bisa ku no tin parehanan ku no por haña un yu, sino parehanan ku no ta tribi pa logra un embaraso.

Taberdátku...

Kuandomi ta sa ku mi tin un problema di fertilidat?

Reprodukshon humanota un proseso inefisiente. Durante proméaña, probabilidat pa luna di un embaraso pa un pareha, tadjis 20%. Esaki ta nifiká ku si eluna aki, shenparehanan tabuskaun embarasodjis20ta logr’e. E otro80lo tin ku trataden luna ku ta sigui, òf den otro.Anto un pareha ku hibadjis unu, dos òf tres lunatratando disalinaembaraso sin logr’e, no mester pensa ku tin un problema.


Kuando mi ta sa ku mi tin un problema di fertilidat?

Reprodukshon humano ta un proseso inefisiente. Durante promé aña, probabilidat pa luna di un embaraso pa un pareha, ta djis 20%. Esaki ta nifiká ku si e luna aki, shen parehanan ta buska un embaraso djis 20 ta logr’e. E otro 80 lo tin ku trata den luna ku ta sigui, òf den otro. Anto un pareha ku hiba djis unu, dos òf tres luna tratando di sali na embaraso sin logr’e, no mester pensa ku tin un problema.

Anto: Kuantu tempo mester warda?

Si bien probabilidat di embaraso pa luna ta abou, probabilidat di embaraso di largu plaso ta bon. Si mesun shen parehanan ku ta buska embaraso, ta persistí den su búskeda durante un aña, ora e aña a kaba, a lográ un embaraso al menos 80 di nan, pa otro 20 parehanan, ku despues di un aña di búskeda no a logra haña un embaraso, panorama no ta asina bon, pa nan e porsentahe di embaraso pa luna, durante e segundo aña ta baha te na 5%. Den e momento aki e parehanan mester buska yudansa profeshonal.

Rekomendashon:

Si despues di tin relashonnan seksual durante un aña, sin uza ningun método di planifikashon i no a logra un embaraso, mester konsultá serka spesialista di fertilidat.

Un eksepshon dje rekomendashon ta e parehanan di edat mayor. Ku e transkurso di aña nan fertilidat ta kuminsá baha. Esaki ta berdát, tantu pa hende hòmber komo pa hende muhé. Desafortunadamente, ta okurí mas tempran pa hende muhé ku pa hende hòmber. Den hende muhé, despues di hasi 35 aña ta kuminsá e disminushon di fekundidat i despues dje 39 aña e proseso ta aselerá. Riba hende hòmber ta okurí mesun proseso ma na edat mas avansá.

P’é parehanan unda hende muhé ta mayor di 35 aña òf hende hòmber ta mayor di 55 aña, rekomendashon ta: konsultá despues di 6 luna di búskeda infruktuosa di gestashon.

Den algun kaso, e parehanan por sospechá ku tin problemanan pa haña un embaraso, debí na su antesedentenan médiko i pa nan ta rekomendabel konsultá lo mas lihé posibel.

Algun dje kasonan ta aki:

• Den un relashon di pareha anterior no a logra un embaraso a pesar ku no a evit’e.

• Si tin un enfermedat metabóliko manera diabétis, òf enfermedat di tiroides.

• A tin siruhíanan di barika anterior p.e. apendisítis, peritonitis, embarasonan ektópiko (kier men pafo’i matris, por ta den ovario òf den eileidernan), òf wantru di ovario. Den e situashonnan aki por eksistí opstrukshon di eileidernan.

• Hende muhé tin siklonan menstrual iregular. Esaki por nifiká problema di ovulashon.

• Hende muhé ta presentá lèk di lechi sin a tin un parto resiente. Esaki ta nifiká ku tin un transtorno ku hormona di laktansia (prolaktina) lo kua na su bes ta produsí problemanan di ovulashon.

• A utilisá Dispositivo Intrauterino (den matris), kual por oumentá riesgo di opstrukshon di eileidernan.

• Hende hòmber ku a tin trauma òf “varicose veins” testikular (kier men adernan dilatá), lo kua por afektá e produkshon di simianan.

• Tin ousensia di ehakulado.

• Ta eksistí ekseso di peso òf peso abou. E dos ekstremo ta kousa desòrdu den hormonanan di reprodukshon.

Si no ta eksistí ningun dje kondishonnan anterior, ma e pareha tin un preokupashon grandi pa su futuro reproduktivo, ta bal la pena konsultá di tur manera. Un spesialista por realisá algun eksamennan sensio, ku ta aklará e situashon i trankilisá e pareha.

E eksamennan básiko di fertilidat ta tres:

• Spèrmogram: Eksamen dje spèrma pa wak e kantidat i kalidat dje simianan dje hòmber.

• Detekshon di ovulason pa konosé si hende muhé ta produsí ovocito hechu kada luna. Medishon di hormonanan (progesteron) den sanger, dia 21 dje siklo.

• Eksamen di eileidernan pa detektá opstrukshon òf “adhesions” (tehido sikatrisá) den sistema reproduktor di hende muhé, por ser realisá dor di un x-ray ku medio di kontraste òf dor di un laparoskopia.

Un bes bo tin e resultadonan dje eksamennan aki, por plania kua ta e mihó tratamentu pa logra un embaraso.

Despues di haña yu, mi por haña problemanan di fertilidat?

Sí. E situashon aki ta konosí komo “infertilidat sekundario”. Despues di un parto, hende muhé ta keda “refraktaria” (organismo ta rechasá), na un nobo embaraso pa un tempo variabel, ku ta dependé di durashon di laktansia. E motibo di esaki ta prioridat di supervivensia dje organismo. Tantu embaraso komo laktansia, ta eksigí, metabólikamente, hopi dje organismo, así ku naturalesa ta evitá ku e dos situashonnan ta pas’é na mes un tempo.

Laktansia ta impedí e proseso ovulatorio i esaki ta reflehá ku ousensia dje siklo menstrual.

Si no tin laktansia òf esaki ta parsial (Kier men, laktansia materno huntu ku bòter di otro lechi no materno), e proseso ovulatorio por bolbe bek den un luna for dje parto. Si tin alimentashon ku lechi materno únikamente, menstruashon i ovulason por retrasá te na seis luna pos-parto. esaki no ta okurí den shen por shen di okasionnan i hende ku ta deseá evitá un embaraso no por konfia únikamente riba laktansia, sino ku mester kombin’e ku otro método antikonseptivo.

Al kontrario, e parehanan ku tei buskando un segundo embaraso, mester tuma kuenta ku den promé luna pos-parto por ta difísil haña un embaraso i por ta nesesario warda entre seis pa diesdos luna pa logra sali na estado. Si despues di un aña òf mas, di buska un embaraso sin uza ningun método antikonseptivo (esaki ta inkluí métodonan natural manera apstinensia durante dianan fértil òf interupshon dje koito antes di ehakulashon), i no ta dunando lechi na beibi, i ainda no logra un embaraso, mester pensa ku ta eksistí un problema i tin mester di konsultá serka spesialista.

Den algun situashonnan, den esun ku ta premirá ku ta eksistí un problema, ta rekomendabel konsultá antes dje tempo aki.

E situashonnan aki ta:

1. Operashon sesario infektá. Normalmente, ora bo a realisá un sesario, esaki no ta pone den peliger e fertilidat futuro. Sin embargo, si tin infekshon, ta kore peliger ku infekshon ta provoká un opstrukshon di eileidernan i por kousa infertilidat. Ta papia di sesario infektá ora ta recohé pus den e herida kirúrhiko òf tin keintura i oló malu den sekreshonnan vaginal.

2. Keintura puerperal (endometritis pos-parto): esaki ta un infekshon despues di un parto vaginal. Usualmente ta manifestá pa medio di keintura haltu den pos-parto, huntu ku fluho vaginal huntu ku pus i doló di barika. Tambe ta kore peliger di haña opstrukshon di eileidernan.

3. Utilisashon di Dispositivo intrauterino: ta masha frekuente utilisashon dje método antikonseptivo aki durante pos-parto. E dispositivo por kousa infertilidat ora ku ta sirbi di brug pa agentenan infeksioso por subi for di vagina ta na eileidernan. E riesgo ta hopi abou ku e dispositivonan moderno.

4. Siklonan iregular: Ta normal ku eksista ousensia di menstruashon (amenorrea) te na seis luna pos-parto, ma si esaki ta persistí òf e siklonan ta hopi iregular, esaki por nifiká ku tin problema ku e proseso di ovulashon.

5. Ta persistí sekreshon di lechi: Den algun muhénan, a pesar di stòp e laktansia dje beibi, ta persistí sekreshon di lechi, esaki ta debí na un transtorno hormonal mihó konosí komo hiperprolaktinemia, esaki por kousa difikultatnan pa logra un embaraso, pasobra e ta kousa transtornonan ovulatorio.

6. Problemanan Seksual: Yegá di un beibi ta modifiká bida seksual dje pareha debí na e difikultatnan ku orarionan i debí na kansanshi i falta di soño di promé lunanan, esaki por kousa un distansiashon dje pareha, ku si ta persistí por rekerí yuda serka dòkter seksólogo profeshonal.

7. Enfermedatnan di transmishon seksual: Por ta riba hende hòmber òf hende muhé, nan por kousa opstrukshon dje kanal deferente (hòmber) òf di eileidernan (muhé), n opstante un tratamentu antibiótiko adekuá.

8. Siruhíanan òf traumanan: Si den e tempo transkurí despues dje parto, a tin siruhíanan manera apendisítis òf wantrunan den hende muhé òf hernia òf siruhía di testíkulo den hende hòmber, òf golpi i trauma riba órganonan genital òf abou dje barika, ta eksistí e posibilidat di alterashonnan dje sistema reproduktor.

Den kasonan di infertilidat sekundario ta importante rekurí serka un bon profeshonal, ku por balua importansia dje transtorno aki.

Kon ta e proseso di diagnóstiko?

Estudio di un pareha ku transtorno di fertilidat mester inisiá den momento adekuá, pa motibo ku edat di hende muhé ta hunga un papel fundamental den probabilidat di logra un tratamentu ku terminashon na nasementu di un beibi salú.

E proseso di diagnóstiko di un pareha ku infertilidat mester ta kompleto, konkreto i lihé. Den un término di 30 pa 45 dia e pareha aki mester ta kompletamente studiá, mester konosé e kousanan ku ta generá difikultat pa logra un embaraso i opshonnan di tratamentu.

E estudio aki ta enfoká riba kuater punto prinsipal:

1. Funshon dje ovarionan: generalmente historia klíniko, ekografía i medishonnan hormonal den sanger, ta permití nos sa si funshon ováriko di hende muhé ta adekuá i si kantidat i kalidat dje webunan den su ovario ta sufisiente pa logra un embaraso.

2. Funshon di eileidernan: eksamen manera laparoskopia i histerosalpingografía ta permití definí si esakinan ta haña den kondishonnan adekuá pa permití un embaraso.

3. Kondishonnan dje matris: eksamennan un tiki kompleho manera ekografía, histeroskopía, histerosonografía òf histerosalpingografía, ta permití detektá alterashonnan di matris ku por komprometé e posibilidat di logra un embaraso.

4. Karakterístikanan dje simianan: spèrmogram (eksamen dje spèrma) ta e prueba reina den baluashon di kapasidat fértil dje hòmber.

Ku estudio dje kuater puntonan aki por detektá e kousa di infertilidat den 90% dje parehanan. Djis un 10% dje parehanan no ta logra detektá e kousa di infertilidat. Riba nan por realisa un diagnóstiko di infertilidat inekspliká, pa hasi esei ta eksistí métodonan di tratamentu efektivo.

Kada un dje kousanan di infertilidat lo por ser tratá i posibilidat di éksito oumenta dia pa dia danki na e rápido desaroyo sientífiko riba área di reprodukshon humano, i eksperiensia di nos klínikonan i biólogonan.

Kua tratamentu di reprodukshon asistí mi mester?

Si bo ta un muhé menor di 35 aña, ku siklonan regular (kada 25 pa 35 dia) i tin ménos ku 1 aña di buska un embaraso, probablemente no tin mester di tratamentu, djis dunabo e oportunidat di optené un embaraso di manera spontáneo durante 12 luna, teniendo e kompañamentu di inSer dor di Konsulta Pre-konsepshonal.

Al kontrario, si bo tin mas ku un aña buskando un embaraso, òf bo ta mayor di 35 aña i tin mas di seis luna sin logr’e, nos ta rekomendabo konsultá serka un spesialista di reprodukshon humano, bo por bai na Konsulta di Promé Biaha. Tambe ta kombeniente konsultá ora bo siklonan ta iregular òf inusualmente doloroso, si abo a tin siruhíanan di barika, òf si abo tin diagnostiko di endometriosis.

Meskos, si bo ta hende hòmber mester konsultá si abo a tin historia di inflamashon òf golpi riba bo testíkulonan, siruhía di testíkulo, testíkulo no desendé òf malesa venériko. Tambe si e kantidat dje ehakulado ta masha tiki (ménos di 1 mililiter) òf ehakulado ta di un koló diferente ku blanku pèrlá.

Pa bo informashon, na kontinuashon nos ta bai dunabo un lista ku e problemanan frekuente i su opshon di tratamentu:

• Problemanan di ovulashon òf siklonan menstrual iregular:

Ta uza remedinan pa stimulá e ovario pa provoká ovulashon. E remedinan aki por ta pilnan òf tambe inyekshon, ku ta hopi mas potente.

• Problemanan ku e simianan:

Inisialmente mester trata di haña un kousa dje problema i trata’é (Konsulta Urológiko & Andrológiko). Despues di esaki, por utilisá Inseminashon Artifisial [Hasi link ku e tratamentu aki] ora e problemanan ta leve òf Fertilisashon In Vitro i ICSI ora tin problemanan severo.

• Opstrukshon di eileidernan:

Tin dos alternativo:

Realisá un siruhía pa koregí e problema.

Realisá un tratamentu di Fertilisashon In Vitro, den kua e webunan ta ser saká for dje ovario i fertilisá den laboratorio ku e simianan dje kasá. E webunan fekundá despues ta transferí na matris dor di vagina, evitando e paso dje simianan, webu i èmbrio dor di eileidernan.

• Infertilidat Inekspliká:

Esaki ta okurí ora, a pesar ku tur eksamennan ta normal, embaraso no ta logra. Inseminashon Artifisial a demostrá ser efektivo den hopi dje kasonan aki.