Banko di Èmbrionan

bacodeembriones

Un di mayor avanse di reprodukshon asistí ta desaroyo di protokolonan pa krio-preservashon di èmbrio i gameto manera un strategia pa mehorá porsentahe di éksito di tratamentunan di fertilidat.

Na 1984 a ser reportá promé nasementu dor di krio-preservashon di èmbrio, i for di e tempo ei wardamento di èmbrionan krio-preservá ta un práktica standard den klínikanan di fertilisashon in vitro (FIV).

E propósito di e prosedimentu aki ta por disponé di èmbrionan pa ser transferí, despues ku nan a deskonhelá, durante un siklo menstrual posterior, natural òf prepará artifisialmente ku hormonanan, lo ke ta permití oumentá porsentahe di embaraso por siklo di estimulashon sin ripití largu i kostoso siklonan di stimulashon ku gonadotropina i aspirashon ovocitaria. Tambe, evita laga un banda èmbrio supernumerario, i por prevení transferensia di un number haltu di èmbrio, rebahando asina riesgo di embarasonan multiple.

Ademas, ta un alternativo ora tin kondishonnan materno adverso pa transferensia di èmbrio manera ta e kaso dje hiper-stimulashon ováriko severo.

Sin embargo, no tur èmbrio ta sobrebibí proseso di konhelashon – deskonhelashon, i por pasa ku masha tiki òf ningun sobrebiba pa lo ser transferí. Riesgo di apnormalidat fetal no ta superior di esun di konsepshon natural.

Rekisitonan pa warda simia den banko di spèrma:

• Ta rekerí, tanto pa hende muhé komo pa hende hòmber tèst di antikuerpo pa HIV, antígeno di superfisie pa hepatitis B, antikuerpo pa hepatitis C, serología i IgG/IgM pa Citomegalovirus i Chlamydia Tracomatis.

• Mester yena permit i kontrakto di wardamento di èmbrionnan, pa evitá problemanan potensial tokante propiedat i disposishon di èmbrionan, ku ta pasa inevitabelmente na momento ku un miembro di pareha lo falta òf pareha ta parti. Kontrakto di wardamento por ser ekstendé, komokiera ku tempo di wardamento no parse ku ta afekta viabilidat di èmbrionnan krio-preservá.

Equipo médiko di inSer lo ta atento pa kontestá kualke inkietut ku bo tin tokante tema aki.